الثلاثاء، 11 نوفمبر 2008

عايزة اتزوج أخ ؟؟؟!!!!!!

في فترة الأصيل قبل فترة الغروب و قبل ورد الخاطرة... تجمع اصحابي و افراد شلتي و كثيرا ما استشيرهم في امور كثيرة ... حتى المواضيع التي ليس لهم علاقة بها اتناقش معهم فيها ... و جاء وجدي و نادر و حسين و انا بحضر لهم المصطبة و بظبط وابور الشاي و بجهز القاعده .. و كالعاده قام حسين " المستقل " بعمل الشاي و توزيع السكر بين الأكواب الزجاجية و طرح موضوع لم يخطر على بالي :

حسين : هو ليه الأخوات " الجناح النسائي للأخوان " لا يريدوا ان يتزوجوا الا شباب اخوان ؟؟!!!!


سكتنا برهة لهذا التساؤل الغريب فليس بمكانه و لا زمانه الا اني وجد وجدي " الليبرالي يرد :

لأنهم انغلاقيون في كل حاجه في حياتهم حتى في زواجهم

ردنادر " القومي " : لا الموضوع مش كده .. الموضوع انهم بيختاورا ازواجهم من حيث اتفاق في الفكر و الهداف و والحركة و التنظيم .

حسين : كمان يبني اكيد لازم تختار واحد يتيح لها حرية العمل الدعوي و حضور اللقاءات و الأعمال الخواية و كده .. و غاليلبا محدش هيسمحلها بكده غير واحد من شباب الأخوان .

نادر : و هي طبعا من وجهة نظرها لازم تربي اولادها على أسس يحب ان تتفق مع زوجها فيها .

شوكت : انتم يا جماعة كلامكم سليم ... لكن هل العكس نفس الأهتمام ؟؟؟!!!!

ردوا في انفاس واحده : ازاي ؟؟؟!!

شوكت : يعني هل الأخ " الفرد الأخواني " على حرص انه يتزوج بأخت من الأخوان ؟؟؟!!!

انا شايف من واقع معاملاتي ان كثير من شباب الأخوان بدأوا يحجمون عن الزواج من الأخوات بسبب او بأخر .. و قد تجد معاه مبررات مقنعة .. لكن على المدى العام ارى ان لهذا الأمر انعكاسات خطيرة

اولا : اذا احجم الشباب عن الزواج من الأخوات ... فما ذنبهم انهم لا يتزوجوا بأخرى فان كان الشاب يستطيع ان يجعل بيته اخوانيا فان العكس بالطبع صعب في اغلب الحالات .

ثانيا : اذا تعرض الأخ لعديد من المضايقات الأمنية .. فهل الزوجة الغير اخوانية ستكون في نفس مستوى التحمل و الصلابة بالزوجة الأخوانية ؟؟!!!

ثالثا : هل سيكون الأخ بيته مفنوه للعمل التربوي و التنظيمي للأخوان من لقاءات و كتائب و معسكرات و لجان ادارية في حالة زواجه من غير الأخوانية.. مقارنة بالأخوانية ؟؟؟

رابعا : هل يضمن الأخ ان تربي زوجنه الغير أخوانية اولاده كما يتمنى هو او يرجوه من بعض المعاني التربوية و الحركية ؟؟؟

خامسا : هل سيحدث انسجام روحي و فكري و ثقافي بين الفرد الأخواني و زوجته من غير الأخوانية ؟؟؟

سادسا : هل في حالة تعرض الفرد الأخواني لحالة من الملل او ضعف الأيمان او الكسل او اي مثبطات...من سوف يساعده و الزوجة الأخوانية او الغير أخوانية

سابعا : اولي هذا نوع من الأنانية بحيث انه ليس من السهل لأي شخص عادي ان يتزوج بأخت من الأخوان " خصوصا انها في الغالب في بيت أخواني " .. فما ذنب الأخوات ؟؟؟

كل هذه مجرد وجهات نظر بالنسبة الى الموضوع ... و انتم رايكم ايه

مرت حالة من الصمت من افراد المصطبة و ارادوا هم ايضا السماع لباقي الناس و التعليقات

8 قالوا رايهم:

قوس قزح يقول...

طبعا شوكت عنده حق
بس غالبا لما اخوانى هتقوله كل الحاجات دى و يكون هو اختار خلاص بنت غير اخوانية و مقتنع بها
هيكون رده ان كل ده مش مهم قدام هدف انه يهديها و تصبح من الاخوان

بس السؤال
هل الغير اخوانية هترضى تتزوج من اخوانى ؟؟

ragabhpl يقول...

السلام عليكم

طبعا انا اول مرة ازور مدونتك

بس انا رأيي ان الاخ لازم يتزوج اخت
للاسباب اللى انت ذكرتها

وكمان لو الاخوة مش هيتزوجوا اخوات
يبقى الاخوات تتزوج مين صيع ولا ايه



دعواتك

شهيدة يقول...

مدونة راقيه وفكر نير

بالنسبة للموضوع يمكننا الاخذ بهذه الاسباب لكن لا يمكننا الحصر والقصر عليها

بمعنى

هناك بنات تتقبل وتتحمل ولديها المرونه لتكون على ما عليه زوجها

وهناك ايض رجال ملتزمين لكن ليسوا ابناء الجماعه ولديهم قبول ويسمحون لزوجتهم ببمارسه نشاط دعوي .. الخ

وقد يكون هناك اخ او اخت " اسما " فقط .. فلا ينفذ هذه الشروط ولا يتحملها ويكون دون المستوى المطلوب

هذه الامور يحكمها النظره المرنه التي تقدر الشخصيات وتعطيها قدرها بغض النظر عن مجرد الظواهر والمسميات

حسن حنفى يقول...

شوكت باشا

من عنيا هخلص اللي اتفقنا عليه

ريمان يقول...

السلام عليكم

شوكت

ايه ده يا شوكت

لا لا لا

ايه ده اللى واحد اخوانى يتزوج من الاختا الاخوانيه والاخ الاخوانى لو تزوج بالاخت الغير اخوانيه

لا لا

على فكره

كلنا مسلمين يعنى

وبعدين انا يعنى محبش بقى موضوع الجماعات ده

انت عارف
انا هقولك على حاجه

انا كنت انصار سنه واتقدملى عرسان كتير
بس فى الاخر اختارت واحد انصار سنه عشان يبقى احنا الاتنين زى بعض

بس والله فى الاخر اخدت على دماغى

وانفصلنا
وندمت انى كنت بفكر التفكير ده

ومش معنى ان مثلا واحد اخوان لازم يتجوزه واحده منه الاخوان زيه عشان يبقوا فكرهم واحد مش معنى كده ان لازم يعنى هيبقى فى توافق بينهم

لا

كل قاعده وليها شواذ
وبرضه بتوع انصار السنه فيهم نفس المبدا ده

وانا كنت بفكر كده برضه

كان الاخ اللى من الانصار مش ممكن يتجوز الا واحده من انصار السنه برضه
والاخت برضه كمذلك

بس مش لازم التمسك بالشىء ده

وبرضه كلنا فى الاخر مسلمين

غير معرف يقول...

اشكركم على تعليقاتكم و اكيد يا اخت ريمان ان كل قاعدة و لها شواذ انا بس بكلم ليه شباب الأخوا بيبصوا برة..في مشاكل في شعب الأخوان يشتكزن من زيادة نسبة عنوسة الأخوات و من ضمن هضه الأسباب هو الذي ذكرته

walaa rizk يقول...

موضوع مهم جدا

اصبحنا بنعانى منه

الاخت اللى كانت عامله ونشيطه وكده

تتخطب لشباب فد يكون ملتزم ولكن غير عامل فى مجتمعه ومش من الاخوان

وبعد كده سلملى على حاجات كتير كانت بتعمله وسابيها

طب الاخ اللى اتجوز مش اخت

معرفش بصراحه بيعيش معاها ازاى

وهل تقدر ترد على التساؤلات اللى حضرتك طرحتها


الزواج بناء

يحتاج توافق

والله لو واحد بالنسبه ليه زوجته حاجه شكليه بيتجوز من اجل انه الطبيعى انه يتجوز فيختار اى واحده

لكن اللى عاوز يبنى أسره يختار من تساعده على ذلك

قد تكون خارج الصفوف الاخوانيه

لكنها تحمل فكر اسلامى نهضوى تنبى أسره مسلمه بجد

وكم منا وليسوا فينا وكم فينا وليسوا منا

يعنى المعادله ان الواحد يتزوج من يساعده على تكلمه اهدافه ومشواره

عن نفسى وبصراحه
لن أقبل الا أخ اختار هو طريقه ولم يكن بالوراثه

وجزاك الله خيرا

ومتخافش على الاخوات

من صدق الله صدقه الله

الموضوع مش زواج والسلام

دى حياه كامله

مشروع دكتور يقول...

بيتكلم صح مليون ف الميه شوكت باشا
خصوصا ف حكايه التضييق الامنى دى
اى واحده شم اخوانيه
هتصوت وتقلب الدنيا
انما الاخوانيه هتعرف تتعامل مع الموقف صح
بس اخذ ع اخونا شوكت حاجه
انه ممكن تكون واحده مش اخوانيه اه بس تقدر تتعمل مع الموقف صح
وتكون منضاله قويه زى زينب الغزالى مثلا
برضه وتقوى من عزيمه الاخوانى لايمانها بانه ليه رساله قويه حتى لو مش كانت اخوانيه
طبعا قليلات اللى ممكن يكونوا كده
بس برضه فيه اكيد لاننكر
ف النهايه شوكت عنده حق ف حوار الاخوانيه
ولكن مش بس الاخوانيات اللى كده
وده مجدر راى يحتمل الصواب او الخطا