الجمعة، 28 نوفمبر، 2008

حكاوي مصطبية !!!!!!

بعد فترة طويلة من الغياب عن حضور المصطبة و عمل اللجلسات بها " نظرا لأعمال التنظيف و التشطيبات " قرر الشباب الحضور مرة اخرى و لم الشمل اللي هو ملموم اصلا

وجدي (الليبرالي ): ازيكم يا جماعة اخباركم ايه ؟؟ ... واحشني جدا

حسين( المستقل ) : فعلا يا وجدي ... بقانا مدة ما تقبلناش

شادي ( اليساري ) : الواحد لو قعد مدة بعيد عن المصطبة بيحس بوحدة و خنقة و ان في حاجه ناقصاه

نادر ( القومي ) : ايوه فعلا نفس الشعور بينتابلنا كلنا

شوكت ( الأسلامي - صاحب المصطبة ) : طيب يالا يا خويا انت و هو .. كل واحد كده يحكي عن الأخبار بما اننا بقالنا مده ما شفناش بعض

وجدي : انا رأئي اننا نقسم الأخبار الى أخبار حزينة و اخبار سعيدة

حسين هو فيه في البلد دي اخبار سعيدة ؟

شادي : على رأيك الأخبار عندنا يا اما تغم يا اما تغم

نادر : لأ فيه برضه اخبار تموت مش تغم بس هههههههههههههههه

شوكت : ليه يا جماعة في اخبار بضه سعيدة رغم الفساد اللي بنعيشه فيه ده حتى القضاء المصري اليومين دول ولا اجدع فتوة في حارة

وجدي : ازاي ؟؟!!!

شوكت : انتم ما سمعتوش عن الأحكام القضائية الثلاثة التاريخية النافذة ؟؟!!

نادر : ايه احكيلنا و فرحنا

شوكت : اولا : الحكم التاريخي بعد أحقية الدولة بيع الغاز المصري الأصيل للكيان الصهيوني
ثانيا : عدم قانونية وجود الحرس الجامعي داخل الجامعات و الذي سمح بتغلغل الأمن داخل الجامعة زيادة معدلات تدخله فيها
ثالثا : عدم السماح لسمير زاهر ترشيح نفسه لرئاسة انتخابات اتحاد المصري لكرة القدم نظرا لمخالفة احد بنود الترشيح " ان يكون المرشح حسن السمعة" و انا اعتبرها خطوة لا بأس بها و ضربة نحو رموز الفساد

شادي : يعني هي الأحكام دي هتنفذ هي زي غيرها

شوكت : حتى لو مش هتنفذ بس هيدي انطباع ان لسة القضاء المصري بخير.. و ان الأمل و الخير ما زال موجودين ... وانها بمثابة دليل اتهام على فساد النظام القائم و شهادة للتاريخ على رفضنا للظلم و الفساد

حسين : فعلا و الله اخبار جميلة

وجدي : يالا بقى يا جماعة اقلب على الأخبار اللي تغم

نادر : هنقول ايه و لا ايه هي كتيرة

شوكت : ايوه عندنا اعتقال محمد عادل و محمد خيري الأول لعلاقته بكتائب القسام و الثاني لدوره في دعم غزة

شادي : ايوه خصوصا ان محمد عادل ما اعتقلش ده اتخطف من قهوة البورصة بوسط البلد بناس لابسين زي مدني و حطوه في عربية شاهين بيضاء

نادر : كمان مش عارفين لسة مكان محمد عادل و لا عارفين ايه اللي بيحصلله و لا اي اخبار عنه

حسين : غريبة كمان محمد لسة صغير 20 سنة حرام عليه في السن ده

وجدي :اصحاب محمد كانوا عملوا اعتصام جزئي اما نقابة الصحفيين و فضوه بعد ما اخدوا وعد من ضباط امن الدولة ان يوم السبت هيتعلن عن مكانه

نادر : يا سلام هو يعني امن الدولة بجلالة قدره مش عارف مكانه

حسين : ده حتى لما راحوا للنائب العام قال و انا كمان مش ع ارف مكانه

شوكت : خلينا و راهم لما نشوفف اخرهم ايه و احنا مش هنتنازل عن محمد عادل و لا محمد خيري و لا كل الشرفاء المعتقلين

الحرية لكل سجين

ربنا معاك يا محمد و يثبتك و يعينك
احنا معاك ومش هنسيبك


10 قالوا رايهم:

نور جديد يقول...

السلام عليكم
يا سلااااام
اول زيارة للمدونة و اول تعليق !!!!
شئ مشرف لي و الله
يعني استايل المدونة الحقيقة جميل و مميز كموضوعات و كتصميم ما شاء الله
دايما اقول على حال بلادنا فعلا
و شر البلية ما يضحك
حاجة تكسف و الله .. انا لو منهم اداري نفسي في اي حتة من كسفتي و خيبتي
ارجع و اقول معلش
ما ضاقت الا اما فرجت
و هو فعلا على رأي واحدة صحبتي
ما حلكة الليل الا اقترابة فجر
فاللهم نصرك الذي وعدت
شرفت يا فندم بالتعرف على مدونة حضرتك

فلسطينية الهوى يقول...

ربنا يفك أسر الجميع يارب

اصحى يا نايم يقول...

يا عم شوكت ارجع بلدك أحسن , البلد دى أحسن من غيرها ... واللى يطلع من داره .............ـ

وعندنا مصاطب كتير برده

Hosam Yahia حسام يحى يقول...

احم

راييى زى الباشمهندس اصحى يانايم

ارجع ياشوكت

:p

GiGi يقول...

اولا النشيد اللى انت حاطه روعه
ثانيا هو فى مصر اخبار حلوه غير بجد وجود الشباب اللىزيكم فى بلادنا
ربنا يعزك يااارب

Hosam Yahia حسام يحى يقول...

احمد بيه

كل سنه وانتا طيب

انا شوفت كل البوستات اللى فاتتنى مش حارمك من حاجه اهو

:P

أكون أو لا أكون يقول...

كل عام وانتم بالف خير... وكل الاهل والاحبه والاصدقاء بخير...
كل عام وامتنا الاسلاميه بالف الف خير...
كل عام وامتنا الاسلاميه عزيزه... كريمه ومنصوره باذن الله...

Ahmed Al-Sabbagh يقول...

كل سنة وانتم والاسرة بخير

نهر الحب يقول...

عيد سعيد
وكل عيد اضحى وانت بخير
وان شاء الله العام القادم على عرفات متجمعين

بذرة امل يقول...

فكرة مدونتك جديدة واكتر حاجة عجبتنى فيها
تعدد الأراء واختلاف وجهات النظر
وتعدد الاتجاهات السياسية

يارب المطبة تستمر وما تتقطع ابدا
انا بحب جدا اللقاءات اللى من النوع ده
ربنا يوفقكم
وكل سنة وانتم طيبين