الجمعة، 28 نوفمبر، 2008

حكاوي مصطبية !!!!!!

بعد فترة طويلة من الغياب عن حضور المصطبة و عمل اللجلسات بها " نظرا لأعمال التنظيف و التشطيبات " قرر الشباب الحضور مرة اخرى و لم الشمل اللي هو ملموم اصلا

وجدي (الليبرالي ): ازيكم يا جماعة اخباركم ايه ؟؟ ... واحشني جدا

حسين( المستقل ) : فعلا يا وجدي ... بقانا مدة ما تقبلناش

شادي ( اليساري ) : الواحد لو قعد مدة بعيد عن المصطبة بيحس بوحدة و خنقة و ان في حاجه ناقصاه

نادر ( القومي ) : ايوه فعلا نفس الشعور بينتابلنا كلنا

شوكت ( الأسلامي - صاحب المصطبة ) : طيب يالا يا خويا انت و هو .. كل واحد كده يحكي عن الأخبار بما اننا بقالنا مده ما شفناش بعض

وجدي : انا رأئي اننا نقسم الأخبار الى أخبار حزينة و اخبار سعيدة

حسين هو فيه في البلد دي اخبار سعيدة ؟

شادي : على رأيك الأخبار عندنا يا اما تغم يا اما تغم

نادر : لأ فيه برضه اخبار تموت مش تغم بس هههههههههههههههه

شوكت : ليه يا جماعة في اخبار بضه سعيدة رغم الفساد اللي بنعيشه فيه ده حتى القضاء المصري اليومين دول ولا اجدع فتوة في حارة

وجدي : ازاي ؟؟!!!

شوكت : انتم ما سمعتوش عن الأحكام القضائية الثلاثة التاريخية النافذة ؟؟!!

نادر : ايه احكيلنا و فرحنا

شوكت : اولا : الحكم التاريخي بعد أحقية الدولة بيع الغاز المصري الأصيل للكيان الصهيوني
ثانيا : عدم قانونية وجود الحرس الجامعي داخل الجامعات و الذي سمح بتغلغل الأمن داخل الجامعة زيادة معدلات تدخله فيها
ثالثا : عدم السماح لسمير زاهر ترشيح نفسه لرئاسة انتخابات اتحاد المصري لكرة القدم نظرا لمخالفة احد بنود الترشيح " ان يكون المرشح حسن السمعة" و انا اعتبرها خطوة لا بأس بها و ضربة نحو رموز الفساد

شادي : يعني هي الأحكام دي هتنفذ هي زي غيرها

شوكت : حتى لو مش هتنفذ بس هيدي انطباع ان لسة القضاء المصري بخير.. و ان الأمل و الخير ما زال موجودين ... وانها بمثابة دليل اتهام على فساد النظام القائم و شهادة للتاريخ على رفضنا للظلم و الفساد

حسين : فعلا و الله اخبار جميلة

وجدي : يالا بقى يا جماعة اقلب على الأخبار اللي تغم

نادر : هنقول ايه و لا ايه هي كتيرة

شوكت : ايوه عندنا اعتقال محمد عادل و محمد خيري الأول لعلاقته بكتائب القسام و الثاني لدوره في دعم غزة

شادي : ايوه خصوصا ان محمد عادل ما اعتقلش ده اتخطف من قهوة البورصة بوسط البلد بناس لابسين زي مدني و حطوه في عربية شاهين بيضاء

نادر : كمان مش عارفين لسة مكان محمد عادل و لا عارفين ايه اللي بيحصلله و لا اي اخبار عنه

حسين : غريبة كمان محمد لسة صغير 20 سنة حرام عليه في السن ده

وجدي :اصحاب محمد كانوا عملوا اعتصام جزئي اما نقابة الصحفيين و فضوه بعد ما اخدوا وعد من ضباط امن الدولة ان يوم السبت هيتعلن عن مكانه

نادر : يا سلام هو يعني امن الدولة بجلالة قدره مش عارف مكانه

حسين : ده حتى لما راحوا للنائب العام قال و انا كمان مش ع ارف مكانه

شوكت : خلينا و راهم لما نشوفف اخرهم ايه و احنا مش هنتنازل عن محمد عادل و لا محمد خيري و لا كل الشرفاء المعتقلين

الحرية لكل سجين

ربنا معاك يا محمد و يثبتك و يعينك
احنا معاك ومش هنسيبك


لن ننساكي يا حبيبة ....




















حكاوي مصطبية !!!!!!








بعد فترة طويلة من الغياب عن حضور المصطبة و عمل اللجلسات بها " نظرا لأعمال التنظيف و التشطيبات " قرر الشباب الحضور مرة اخرى و لم الشمل اللي هو ملموم اصلا

وجدي (الليبرالي ): ازيكم يا جماعة اخباركم ايه ؟؟ ... واحشني جدا

حسين( المستقل ) : فعلا يا وجدي ... بقانا مدة ما تقبلناش

شادي ( اليساري ) : الواحد لو قعد مدة بعيد عن المصطبة بيحس بوحدة و خنقة و ان في حاجه ناقصاه

نادر ( القومي ) : ايوه فعلا نفس الشعور بينتابلنا كلنا

شوكت ( الأسلامي - صاحب المصطبة ) : طيب يالا يا خويا انت و هو .. كل واحد كده يحكي عن الأخبار بما اننا بقالنا مده ما شفناش بعض

وجدي : انا رأئي اننا نقسم الأخبار الى أخبار حزينة و اخبار سعيدة

حسين هو فيه في البلد دي اخبار سعيدة ؟

شادي : على رأيك الأخبار عندنا يا اما تغم يا اما تغم

نادر : لأ فيه برضه اخبار تموت مش تغم بس هههههههههههههههه

شوكت : ليه يا جماعة في اخبار بضه سعيدة رغم الفساد اللي بنعيشه فيه ده حتى القضاء المصري اليومين دول ولا اجدع فتوة في حارة

وجدي : ازاي ؟؟!!!

شوكت : انتم ما سمعتوش عن الأحكام القضائية الثلاثة التاريخية النافذة ؟؟!!

نادر : ايه احكيلنا و فرحنا

شوكت : اولا : الحكم التاريخي بعد أحقية الدولة بيع الغاز المصري الأصيل للكيان الصهيوني
ثانيا : عدم قانونية وجود الحرس الجامعي داخل الجامعات و الذي سمح بتغلغل الأمن داخل الجامعة زيادة معدلات تدخله فيها
ثالثا : عدم السماح لسمير زاهر ترشيح نفسه لرئاسة انتخابات اتحاد المصري لكرة القدم نظرا لمخالفة احد بنود الترشيح " ان يكون المرشح حسن السمعة" و انا اعتبرها خطوة لا بأس بها و ضربة نحو رموز الفساد

شادي : يعني هي الأحكام دي هتنفذ هي زي غيرها

شوكت : حتى لو مش هتنفذ بس هيدي انطباع ان لسة القضاء المصري بخير.. و ان الأمل و الخير ما زال موجودين ... وانها بمثابة دليل اتهام على فساد النظام القائم و شهادة للتاريخ على رفضنا للظلم و الفساد

حسين : فعلا و الله اخبار جميلة

وجدي : يالا بقى يا جماعة اقلب على الأخبار اللي تغم

نادر : هنقول ايه و لا ايه هي كتيرة

شوكت : ايوه عندنا اعتقال محمد عادل و محمد خيري الأول لعلاقته بكتائب القسام و الثاني لدوره في دعم غزة

شادي : ايوه خصوصا ان محمد عادل ما اعتقلش ده اتخطف من قهوة البورصة بوسط البلد بناس لابسين زي مدني و حطوه في عربية شاهين بيضاء

نادر : كمان مش عارفين لسة مكان محمد عادل و لا عارفين ايه اللي بيحصلله و لا اي اخبار عنه

حسين : غريبة كمان محمد لسة صغير 20 سنة حرام عليه في السن ده

وجدي :اصحاب محمد كانوا عملوا اعتصام جزئي اما نقابة الصحفيين و فضوه بعد ما اخدوا وعد من ضباط امن الدولة ان يوم السبت هيتعلن عن مكانه

نادر : يا سلام هو يعني امن الدولة بجلالة قدره مش عارف مكانه

حسين : ده حتى لما راحوا للنائب العام قال و انا كمان مش ع ارف مكانه

شوكت : خلينا و راهم لما نشوفف اخرهم ايه و احنا مش هنتنازل عن محمد عادل و لا محمد خيري و لا كل الشرفاء المعتقلين

الحرية لكل سجين

ربنا معاك يا محمد و يثبتك و يعينك
احنا معاك ومش هنسيبك

الاثنين، 17 نوفمبر، 2008

لا قطن و لا كتان .. الأهلي في اليابان









لأول مرة اشعر ان مصطبة شوكت تكون غير مناسبة في بعض الأحيان ... و هذا يدل الا كمال لأي حاجة في الدنيا خصوصا المصاطب ... و اللي يستغرب من كلامي علشان عارف اني بحب مصطبتي جدا و بعنز بيها يجيي معنا يسمع هذا الحوار الذي دار في المصطبة :

شوكت : مشرفينا يا جماعة.. و الله انتم بتوحشوني جامد و ربنا يعلم انا بحبكم في الله قد ايه ....

وجدي : المشاعر متبادلة بينا كلنا يا شوكت , احنا اكيد كلنا بنح.....

وفجأة ظهرت كتيبة حمراء تغزو الشارع الذي فيه مصطبتنا رافعة الأعلام و البيارق الحمراء
حسين : ايه ده مولد ده و لا ايه و لا حد مات من شيوخ الصوفية ؟؟؟

وجدي : صوفية ايه دي اعلام حمراء مش خضراء ....
شادي : هيهيهيهيه .. يبقى الثورة الحمراء قادمة

شوكت : ثورة ايه و حمراء ايه .. دول بيقوله اهلي اهلي

نادر : الحقوا يا جماعة ... ده فيه جمل في النص !!!!!!!!!!!!!!1

و رأينا حشود هائلة ترفع أعلام الأهلي و تبتهج بالنصر العظيم الذي حققه النادي الأهلي في غزوته مع النادي القطن الكاميروني و احرازه للكأس الأفريقية للمرة السادسة في تاريخه العريق .. و بالطبع قام شباب بولاق الدكرور و ارض اللواء و ناهيا و شارع السودان بالهجوم على شوارع شهاب و جامعة الدول العربية " شارع الذي حدث فيه التحرش ايام العيد " و قاموا بالهتاف و تعطيل المرور و رفع الأعلاف و الغناء و الرقص و في مقدمتهم جمل لورق و خلفهم المئات من السيارات ترفع الأعلام و ترفع الكلاكسات و كأننا حققنا النصر عاى الصهاينة
و اتى الشباب ناحية بيت الكابت حسن شحاته " بيته بجوار المصطبة " تهتف للأهلي و تهتف ضد الزمالك و الأهلوية اهم عزيمو و امل و قوة و مش عارف ايه و اديها تريقة و غيظ للكابتن حسن شحاته

و من هذه المواقف احسست بمدى الكبت الذي يعاني منه الشعب المصري

وانه يا ولداه مش لاقي فرصة يفرح الا في هذه المناسبات

و لذلك لم اضيع الفرصة و نزلت و سيبت المصطبة

و قعدت اصور

هههههههههههههههههههه

ملحوظ : رجال الشرطة بمختلف الرتب كانوا متواجدين في شارع جامعة الدول العربية و لم يحركوا ساكنا على الرغم من تعطيل المرور و لم يقل احد ان اللي بيحصل ده غلط
بس فرحانين يتشطروا على بتوع المظاهرات و يقولوا انها بتعطل المرور
فعلا شعب انما ايه .. مستاهل الحرررررررررررر........

و مش حارمكم من الصور و مقاطع الفيديو




video

السبت، 15 نوفمبر، 2008

يا اهلي و احبتي




اداء فريضة الفجر في يوم اجازة له طعم تاني ... بحيث يكون عندك الفرصة براحتك تقعد لغاية الشروق و صلاة الضحى , و بعدين تطلع تعمل شوية جري خفيف بجوار نادي الصيد بحيث الدنيا تكون واسعة و الهواء العليل " هو عليل فعلا " و قطرات الندى تنساب على خدودك... و يا سلام بقى لما تختم فقراتك بأحلى فقرة و هي انك تقعد شوية معانا في المصطبة ... مصطبة شوكت.................



نادر : انا حزين و قلبي بيتقطع

وجدي : ليه يا نادر هي ناقصة كابة .

حسين : استنى يا وجدي لما نسمع نادر زعلان ليه..انكلم يا وجدي مالك ؟؟!!!

نادر : انتم مش شايفين اللي بيحصل في غزة من حصار و معاناة
.

وجدي : ايوه صحيح و الأزمة زادت و اليومين دول الح
صار احكم قوي .

نادر : انت سمعت ان يريمي هوبز المدير التنفيذي لجمعية الإغاثة أوكسفام ومقرها بريطانيا قال " إن غزة قد تواجه كارثة ما لم ترفع إسرائيل الحصار عنها فورا ".




حسين :
ده غير ان منظمة العفو الدولية بدورها إسرائيل إلى السماح بإدخال الإمدادات الضرورية للقطاع ووضع حد لما سمته "العقاب الجماعي" لسكان القطاع. وتعتبر المنظمة أن تشديد إسرائيل في الآونة الأخيرة لإجراءات الحصار على قطاع غزة زاد من تفاقم الأوضاع الإنسانية في المنطقة.

وجدي : ايه يا سي شوكت ما تقول حاجه .

شوكت : اقول ايه بس .. مانت شايف ان الصمت العربي الرهيب عامل ازاي و ان الحصار اصلا السبب فيه الدول العربية .. حتى الأنفاق اللي مصر الفلسطنيون بيعملوها .... المخابرات المصرية بدمرها على الناس اللي فيها ... و الشعوب العربية نوم في العسل .

نادر : هما يعني هيعملوا ايه يعني ؟؟؟؟

شوكت : انت ماشفتش الأوربيين عملوا خط ملاحي بين قبرص و غزة علشان يخففوا الحصار عن الفلسطنيين ... 3 سفن لغاية الواقتي
و محلك سر و محدش بيعبر

وجدي : كشفوا صمتنا و عجزنا و خيبتنا القوية

نادر : و ما تنسوش يا جماعة القوافل المصرية اللي راحت علشان حصار غزة ... بس منهم لله الحكومة المصرية حاصرتهم في القاهرة

شوكت : انا سمعت ان البرلمان الأسلامي " مقره اندونيسيا " و حزب العمل الأسلامي بالأردن هيعملوا سفينة اسلامية على غرار السفن الأوربية لفك الحصار .


حسين : انا فعلا اللي فارسني صمت الحكومات العربية .. مين هيشيل ذنب شهداء الحصار غيرهم .



شوكت : انا شايف اللي بيحصل ده حلقة من حلقات الصراع بين الحق و الباطل .. كحصار شعب ابي طالب من الكفار قريش و قعدوا يخاصروهم 3 سنين .. فما وهن المسلمون و ما استضعفوا .. فنسأل الله لهم الثبات .. بس ده لا يرفع عننا مسئولون و لو بشكل جزئي امام الرحمن .

يا جماعة اهل غزة الواقتي ... محتاجين دعم مادي و معنوي .. لازم على الأقل الدعم المعنوي نوفرهلهم ...
ولازم شعارنا يكون ... هنحاصر الحصار

لازم ننشر قضيتهم في كل مكان

نتواصل معهام عن طريق التليفون و النت

لازم نشد من ازرهم

لازم نقول احنا معاكي يا غزة

يا اهلي و احبتي

اداء فريضة الفجر في يوم اجازة له طعم تاني ... بحيث يكون عندك الفرصة براحتك تقعد لغاية الشروق و صلاة الضحى , و بعدين تطلع تعمل شوية جري خفيف بجوار نادي الصيد بحيث الدنيا تكون واسعة و الهواء العليل " هو عليل فعلا " و قطرات الندى تنساب على خدودك... و يا سلام بقى لما تختم فقراتك بأحلى فقرة و هي انك تقعد شوية معانا في المصطبة ... مصطبة شوكت.................


نادر : انا حزين و قلبي بيتقطع

وجدي : ليه يا نادر هي ناقصة كابة .

حسين : استنى يا وجدي لما نسمع نادر زعلان ليه..انكلم يا وجدي مالك ؟؟!!!

نادر : انتم مش شايفين اللي بيحصل في غزة من حصار و معاناة .

وجدي : ايوه صحيح و الأزمة زادت و اليومين دول الحصار احكم قوي .

نادر : انت سمعت ان يريمي هوبز المدير التنفيذي لجمعية الإغاثة أوكسفام ومقرها بريطانيا قال " إن غزة قد تواجه كارثة ما لم ترفع إسرائيل الحصار عنها فورا ".

حسين :
ده غير ان منظمة العفو الدولية بدورها إسرائيل إلى السماح بإدخال الإمدادات الضرورية للقطاع ووضع حد لما سمته "العقاب الجماعي" لسكان القطاع. وتعتبر المنظمة أن تشديد إسرائيل في الآونة الأخيرة لإجراءات الحصار على قطاع غزة زاد من تفاقم الأوضاع الإنسانية في المنطقة.

وجدي : ايه يا سي شوكت ما تقول حاجه .

شوكت : اقول ايه بس .. مانت شايف ان الصمت العربي الرهيب عامل ازاي و ان الحصار اصلا السبب فيه الدول العربية .. حتى الأنفاق اللي مصر الفلسطنيون بيعملوها .... المخابرات المصرية بدمرها على الناس اللي فيها ... و الشعوب العربية نوم في العسل .

نادر : هما يعني هيعملوا ايه يعني ؟؟؟؟

شوكت : انت ماشفتش الأوربيين عملوا خط ملاحي بين قبرص و غزة علشان يخففوا الحصار عن الفلسطنيين ... 3 سفن لغاية الواقتي و محلك سر و محدش بيعبر

وجدي : كشفوا صمتنا و عجزنا و خيبتنا القوية

نادر : و ما تنسوش يا جماعة القوافل المصرية اللي راحت علشان حصار غزة ... بس منهم لله الحكومة المصرية حاصرتهم في القاهرة

شوكت : انا سمعت ان البرلمان الأسلامي " مقره اندونيسيا " و حزب العمل الأسلامي بالأردن هيعملوا سفينة اسلامية على غرار السفن الأوربية لفك الحصار .

حسين : انا فعلا اللي فارسني صمت الحكومات العربية .. مين هيشيل ذنب شهداء الحصار غيرهم .

شوكت : انا شايف اللي بيحصل ده حلقة من حلقات الصراع بين الحق و الباطل .. كحصار شعب ابي طالب من الكفار قريش و قعدوا يخاصروهم 3 سنين .. فما وهن المسلمون و ما استضعفوا .. فنسأل الله لهم الثبات .. بس ده لا يرفع عننا مسئولون و لو بشكل جزئي امام الرحمن .

يا جماعة اهل غزة الواقتي ... محتاجين دعم مادي و معنوي .. لازم على الأقل الدعم المعنوي نوفرهلهم ...
ولازم شعارنا يكون ... هنحاصر الحصار

لازم ننشر قضيتهم في كل مكان

نتواصل معهام عن طريق التليفون و النت

لازم نشد من ازرهم

لازم نقول احنا معاكي يا غزة




الخميس، 13 نوفمبر، 2008

الكرامة للمواطن المصري

لما تستنشق هواء نقي و هواء فريش و هواء من غير ريحة .... يبقى انت اكيد في مصطبة شوكت .

لما تشرب الشاي قرب المغربية و تشوف اروع منظر للغروب ... و لسانك يلهج بورد الرابطة ..... يبقى انت أكيد في مصطبة شوكت .

لما تحب تفرفش و تسمع كلمة حلوى و تعبر عن اللي جواك ... يبقى انت اكيد في مصطبة شوكت .

انهارده رحت انا و اصحابي " وجدي و نادر و حسين " نقابة الصحفيين علشان نتضامن مع الطبيبين المصريين الدكتور رؤوف و الدكتور شوقي اللذان حكم عليهما ظلما و عدوانا الجلد "1500 جلدة " و بالحبس 15 عاما و اخر 20 عاما .... و ذهبنا الى هناك على الساعة الخامسة مساء حيث هماك وقفة على سلالم النقابة مع اسر الطبيبين لنعلن رفضنا الكامل عن ما تعرضوا له من ظلم .

و وقفنا على سلالم النقابة نهتف ضد الظلم و العدوان " طلعت ساعتها في العاشرة مساء...ههههههه" ثم صعدنا الى الدور الرابع حيث الندوة و .....

شوكت : ايه رايكم في الموضوع يا جماعة؟

وجدي : طبعا ظلم و افتراء ... احنا ما شفناش في تاريخ الأسلامي كله حد يطبق هذا العددمن الجلد المعروف انه 100 جلدة فقط .

نادر : ده غير ان الجلد في حالات قذف المحصنات و الزنا لغير المحصن و شرب الخمر فقط .

حسين : و الغريبة انه طبق عليه حكم الجلد و السجن في ان واحد ...ايه الغباء ده ..معروف انه يا اما السجن يا اما الجلد على الأقل

شوكت : و المضحك المبكي .. انه في الحكم الأولاني كان 700 جلدة فقط .. و بعد الأستئناف وصل الى 1500 جلدة ... حد شاف يا عالم في الدنيا استئناف بيزود فيه احكام معروف في اي حته في الدنيا مشرقها و مغربها ان الأستئناف ياما يلغي العقوبة ياما يخففها او يثبته .. مش يزيد عليه

وجدي : و الغريبة ان المتهمين ما وقفوا امام قاضي الا 5 دقايق و لم يسمحوا لهم ان يدافعوا عن نفسهم و لا مرافعات و لا نيلة..ده غير انهم قبل المحاكمة اتعذبوا تعذيب وحشي .

نادر : ايه يا عم ده فين الحكومة المصرية فين السفارة فينوزارة الخارجية ايه يا عالم ده.. هو دم المصري رخص كده

حسين : و السعودية اللي عاملة فيها دولة اسلامية .. و هي اكدولة بتشوه السلام وهو منها براء...

وجدي: والغريبة ان اقصى حاجه عاملها قنصل السعودية انه اخد ميعاد معاهميوم 28 نوفمبر..تمخض الجمل فولد فأرا

شوكت : كمان اصلا الشهود اللي شهدوا سحبوا اعترافاتهم .... و الثابت ان الأميرة المزعومة اللي محدش يعرفلها اسم ولا شكل كانت ادمنت المورفين قبل اشراف الأطباء المصريين عليها .. يعني العملة كلها عك في عك و فيها روح الأنتقام الغير مبرر

نادر : واصلا نقابة الأطباء و اتحاد أطباء العرب ثبتوا أن الخطأ المهني ليس من الطباء المصريين .. وحتى لو فيه خطأ بشري فله عقاب او الية لعقاب معينة

شوكت : يا جماعة احنا مش لازم نسكت على اظلم ده .. والناس في الندوة انهارده اتكلموا عن اجراءات عملية تجاه هذا الموضوع و احنا لازم نكون معاهم في اي خطوء يعملوها .. و فيه جروب على الفيس بوك يتضامن مع الطبيبين و هذا الجروب ارسل تقريرا باللغة الأنجليزية الى كل من منظمة العفو الدولية و منظمة هيومن رايتس .. كما يستلزم ان نناشد اللجنة اعربية لحقوق الأنسان و الجمعية العربية لحقوق الأنسان لمتابعة هذه الانتهاكات الخطيرة في حق الطبيبين.. و لازم نتضامن مع اهالي الطبيبين و نقدم لهم الدعم النفسي و المعنوي

و نساند و نؤيد الوفد الذاهب الى وزارة الخارجية و السفارة السعودية لعمل حالة من الضغط الشعبي على حكومتنا " الحلوة "

و ده لينك الجروب :http://www.facebook.com/group.php?gid=46483276211

الثلاثاء، 11 نوفمبر، 2008

عايزة اتزوج أخ ؟؟؟!!!!!!

في فترة الأصيل قبل فترة الغروب و قبل ورد الخاطرة... تجمع اصحابي و افراد شلتي و كثيرا ما استشيرهم في امور كثيرة ... حتى المواضيع التي ليس لهم علاقة بها اتناقش معهم فيها ... و جاء وجدي و نادر و حسين و انا بحضر لهم المصطبة و بظبط وابور الشاي و بجهز القاعده .. و كالعاده قام حسين " المستقل " بعمل الشاي و توزيع السكر بين الأكواب الزجاجية و طرح موضوع لم يخطر على بالي :

حسين : هو ليه الأخوات " الجناح النسائي للأخوان " لا يريدوا ان يتزوجوا الا شباب اخوان ؟؟!!!!


سكتنا برهة لهذا التساؤل الغريب فليس بمكانه و لا زمانه الا اني وجد وجدي " الليبرالي يرد :

لأنهم انغلاقيون في كل حاجه في حياتهم حتى في زواجهم

ردنادر " القومي " : لا الموضوع مش كده .. الموضوع انهم بيختاورا ازواجهم من حيث اتفاق في الفكر و الهداف و والحركة و التنظيم .

حسين : كمان يبني اكيد لازم تختار واحد يتيح لها حرية العمل الدعوي و حضور اللقاءات و الأعمال الخواية و كده .. و غاليلبا محدش هيسمحلها بكده غير واحد من شباب الأخوان .

نادر : و هي طبعا من وجهة نظرها لازم تربي اولادها على أسس يحب ان تتفق مع زوجها فيها .

شوكت : انتم يا جماعة كلامكم سليم ... لكن هل العكس نفس الأهتمام ؟؟؟!!!!

ردوا في انفاس واحده : ازاي ؟؟؟!!

شوكت : يعني هل الأخ " الفرد الأخواني " على حرص انه يتزوج بأخت من الأخوان ؟؟؟!!!

انا شايف من واقع معاملاتي ان كثير من شباب الأخوان بدأوا يحجمون عن الزواج من الأخوات بسبب او بأخر .. و قد تجد معاه مبررات مقنعة .. لكن على المدى العام ارى ان لهذا الأمر انعكاسات خطيرة

اولا : اذا احجم الشباب عن الزواج من الأخوات ... فما ذنبهم انهم لا يتزوجوا بأخرى فان كان الشاب يستطيع ان يجعل بيته اخوانيا فان العكس بالطبع صعب في اغلب الحالات .

ثانيا : اذا تعرض الأخ لعديد من المضايقات الأمنية .. فهل الزوجة الغير اخوانية ستكون في نفس مستوى التحمل و الصلابة بالزوجة الأخوانية ؟؟!!!

ثالثا : هل سيكون الأخ بيته مفنوه للعمل التربوي و التنظيمي للأخوان من لقاءات و كتائب و معسكرات و لجان ادارية في حالة زواجه من غير الأخوانية.. مقارنة بالأخوانية ؟؟؟

رابعا : هل يضمن الأخ ان تربي زوجنه الغير أخوانية اولاده كما يتمنى هو او يرجوه من بعض المعاني التربوية و الحركية ؟؟؟

خامسا : هل سيحدث انسجام روحي و فكري و ثقافي بين الفرد الأخواني و زوجته من غير الأخوانية ؟؟؟

سادسا : هل في حالة تعرض الفرد الأخواني لحالة من الملل او ضعف الأيمان او الكسل او اي مثبطات...من سوف يساعده و الزوجة الأخوانية او الغير أخوانية

سابعا : اولي هذا نوع من الأنانية بحيث انه ليس من السهل لأي شخص عادي ان يتزوج بأخت من الأخوان " خصوصا انها في الغالب في بيت أخواني " .. فما ذنب الأخوات ؟؟؟

كل هذه مجرد وجهات نظر بالنسبة الى الموضوع ... و انتم رايكم ايه

مرت حالة من الصمت من افراد المصطبة و ارادوا هم ايضا السماع لباقي الناس و التعليقات

الاثنين، 10 نوفمبر، 2008

اهلا بيكم معانا في المصطبة

و انسوا انكم في مدونة .. انتم هنا في عالم شوكت.. و هنا هيكون ليا حواديت مع اصحابي .. معايا وجدي الليبرالي و نادر القومي و جمال اليساري و حسين المستقل .. و كلنا بنحب مصر و بنحب بعض و بنحب نحكي مع بعض .. علشان كده قررت ان نتجمع في مكان نحكي فيه مع بعضنا..فكرت اعمل في بيتي صالون دوري نتكلم فيه مع بعض ..لكن الصالون ده هيبعد عننا طائفة الشباب خصوصا ان بيغلب عليها جو من الملل و السأم .. فكرت نعملها على قهوة .... يا ساتر انا بكره جو القهاوي دي .. اعوذ بالله حتى حانت لي فكرة جهنمية .. مافي احلى من المصطبة و مالها المصطبة احب المصطبة و اموت في المصطبة .. و علشان الموضوع يتظبط وضعت انا قواعد صارمة لهذه المصطبة :
اولا مافيش دخان و لا سجاير و لا شيشة و اللي عايز يدخن " الله يسامحه " يروح يدخن و ييجي .
ثانيا مافيش كلام بذئ و لا قبيح و لا تطاول على اشخاص او افراد . ثالثا مواعيد الصلاة يجب احترامها في وقتها . مواضيع المصطبة حكايات و ذكريات لشوكت 2 اراء و وجهات لنظر يعرضها شوكت
3 مواقف يومية تحدث لشوكت
4 تعليق على بعض الأحداث االجارية
و استنوا مني كل مرة موضوع شكل و محتاج منكم اراء و تعليقات و اقتراحات .. وياريت اسمع وجهات النظر الأخرى

الحوار حرااااام شرعا

اذا رأينا نماذج من الخلافات ببين الدول ... نجد العداء الصريح بين امريكا و ايران و امريكا و كوبا و امريكا و فنزويلا " لاحظ أن امريكا عنصر مشترك " و الخلاف يمكن ان يتمثل في سحب السفراء او تبادل الأتهامات او اعلان حرب... لكن كل هذا لا يصل الى مرحلة الأنقطاع العظيم بيني " شوكت" و بين والدي المبجل المحترم " كاظم بيه " حيث و لا سفراء و لا حوار و لا يحزنون قطيعة تامة لا أعلم سببها و لا أسبابها ... المهم علشان انا برضه الصغير و ابن ناس و متربي و على خلق قررت ان أبدأ المبادرة و أقدم على الحوار و برضه خيرهما من يبدأ بالسلام و قررت أن ألا أيأس و استميت في بدء الحوار و الأستمرار فيه مهما تكن التضحيات ... هس هس هس والدي قادم

هو الواقتي قعد و مسك الجورنال و بدأ يتصفح فيه .. يبدو أن الحالة المزاجية على ما يرام ربنا يستر

ما أقول كده الدعاء المأثور عن النبي " صلى الله عليه و سلم " الذي وصانا به عند الدخول على السلاطين

ايه ده !!!! واو ممتاز جدا اختي جاية و معاها الشاي لكاظم بيه .... تومام قوي

شوكت : استني يا كاريمان انا اللي هقدم الشاي

تناولت منها الصينية و تقدمت بخطى ثابتة نحو والدي و عيناي تلمع بالأمل و التصميم و العزم الفتي ......

شوكت : ازيك يا أحلى أب في الدنيا ؟؟؟!!!!!!!

كاظم بيه : ايه يالا شغل المياسة و المرقعة اللي انت فيه دي !!!!

البداية لم تكن موفقة و أضربطت بعض الشئ لكني عزمت على الأستمرار و المثابرة

شوكت : انت عارف يا بابا ان انهارده يوم ايه ؟؟!!!!

كاظم بيه : يوم الجمعة

شوكت : انهارده يا بابا يوم عيد ميلادي .. ايه رأيك يا بابا نحتفل بالمناسبة دي و مع بعض في جو اسري جمي......

كاظم بيه : عيد ايه يا خويا .. كتك خيبة في دماغك التعبانة .... من امتى ياض بنعمل أعياد ميلاد و كلام فاضي من ده قوم يالا ذاكرلك كلمتين ينفعوك بدل درجاتك التعبانة اللي شبهك دي

اصفر وجهي و مر بكل الوان الطيف و الأوان الأساسية .. لكن كنت عزمت على المواصلة و اخذتها تحدي

شوكت : طيب يا بابا ممكن يا حبيبي أخرج مع أصحابي انهارده شوية كده

كاظم بيه و هو متهدج الأوداج منفوخ الوجه : تعمل ايه ... خروج ايه و صياعة ايه مش كفاية شغل السرمحة اللي انت فيه و بتعمله على حس الدروس و التنطيط اللي انت فيه ... انت هتفضل كده طول عمرك دماغك فاضية و ما انتاش نافع في حاجه ...

احسست انه من الواجب ان أغير الموضوع و اطرق بابا أخر

شوكت : بص يابابا ايه رأيك في انتخابات الأمريكية و فوز اوباما ؟؟!!

كاظم بيه : في ايه يبني.. انت قاعدلي كده و فاضي و مش وراك حاجه .. مالك انت و مال الحاجات دي ... انت اصلا من انت بتفه علشان تناقش في القضايا دي..روح ذاكرلك كلمتين يالا

شوكت : طيب يا بابا ايه رأيك في الوردة دي ... هي هدية مني لحضرتك

نظر والدي الى الوردة نظرة غضب و انتقام و قام بنتفها و فعصها و قاللي شفت وردتك حلوة كده يالا قوم من قدامي و يا ابن ....****&&^%&@$%&

و جريت لأنجو ببدني و كلي حزن و األم..لا أعرف سببا او دافع او مبررا لوالدي ليعاملني بهذه المعاملة ... ممكن علشان انا هاورثه !!!!!!
و لا هو الحوار بين الأبناء و الأباء حرام شرعا و له سلبيات نفسيا

انا زهقت خاااالص لكن مش هيأس و ها حاول أسعى مرة أخرى و هاحاول أشوف هل الحوار له قيمة في اسلامنا و له قيمة في علم التربية و النفس

هادور و اللي عارف حاجه يقولهالي و اللي عايز يساعدني ما يتحرمش




و تناولت منها الصينية و مشيت بخطى ثابتة نحو والدي و عيناي تلمع بالأمل و التصميم و العزم الفتي

شوكت : ازيك يا أحلى أب في الدنيا

كاظم بيه : ايه يالا المياعة و شغل المرقعة اللي انت فيه ده !!!!

البداة كانت غ

السبت، 1 نوفمبر، 2008

the English version

Stay tuned English version of the blog" terrace Shaukat" .. Shawkat is not a hypothetical realistic character and he express es ideas and Visions of the owner of the blog which he belongs to the Islamic thought and the Muslim Brotherhood group .. And also SHAWAKT offers some explanations for some of the confused ideas of the Muslim Brotherhood group and its goals .. and Shaukat try to offer some reform ideas - from the point of view - to address some of the shortcomings and negative aspects of theMuslim Brotherhood group as well as some thoughts and memories about Shaukat 's life .. And commenting on current events

ما تصدقش


قمت نومي بسرعة منتفض.. واول ما عيني فتحي ايدي نزلت على الموبايل بتاعي اشوف الساعة كام.. يا ربي ايه ده الساعة عاشرة و خمسة ..لسة 25 دقيقة ايه ده ... لازم اكلم الناس بسرعة
شوكت : السلام عليكم ازيك يا نادر
نادر: و عليكم ... ايه يبني مصحيني بدري ليه مش عارف ان ده يوم اجازتي شوكت : يبني انهارده السبت واحد نوفمبر
نادر : يعني اعمل لأهلك ايه شوكت : عيب يبني احترم نفسك
نادر: هتخلص و لا أمي السماعة و اقفل في وشك
شوكت : بص يبني انت نسيت ان انهارده في مؤتمر القلة المندسة اللي عامله شباب 6 ابريل
نادر : اه .. المؤتمر الموازي اللي على النت ..اا ه الساعة كام
شوكت : فاضل عليه ثلث ساعة
و تكررت المكالمة مع باقي شلة المصطبة و كلنا الان في ترقب مؤتمر القلة المندسة
ترقبوا مؤتمر القلة المندسة...ما تصدقش على مدى ثلاثة ايام 1 ، 2، 3 نوفمبر لا تفوتوا الفرصة و ما تصدقش
زورونا http://anti-ndp.com

شاهين يسرق صندوق انتخابي..الجزء التالت

كان ضخم الجثة ... عريض المنكبين...مفتول العضلات ابتدرني بابتسامة صفراء خبيثة تنم عن مكر و رد فعل مش ظريف و تحركت شفتاه :

انا احمد راتب رئيس مباحث امن الدولة طلخا .

بلعت ريقي بصعوبة شديدة و لعنت من داخل اعماقي السياسة و التنطيط و افكاري الغبية و صندوق الأنتخاب و ايه اللي بس دخلني

انت مين سيادتك ؟؟؟

اجبت و اكاد ان " اعملها على نفسي" : انا كنت دخلت اساعد الأستاذذذ اللي هناك ده علشان الفرز و كده

ممكن بطاقتك

و بكل طاعة و هدوء اعطيت له البطاقة

و كمان طالب و من المنصورة مش من طلخا و بتعمل ايه بموبايلك بقى

كنت بشوف الساعة كام .بس مش اكتر

و الله .. طب هات التليفون

و قبل ان يكمل طلبه و جدت ان عدتي العزيزة في يده و في هذه اللحظة و لأول مرة تتفوق نظريتي و تثبت مدى صحتها هو ان تليفونات السوني اريكسون افضل من عدة نوكيا و من ضمن هذه المزايا ان قام هذا اللي مش عارف اسمه ايه بمحاولة فتح لوحة مفاتيح التليفون و هي مختلفة عن تليفونات نوكيا فحاول هذا الرجل الغبي ان يحاول فتحه دو جدوى

و بالطبع ظهرت اخلاق المصريين الجدعان في شخصي حيث اظهرت سماء الشجاعة و البطولة في استجداء هذا الرجل مع قليل من الدموع و المسكنة و تقبيل الأيادي بأني لم اصور حاجه

و يبدو ان جسمي النحيل قد صعب على الرجل فقال خد التليفون و ما شفكش هنا

انجش في علاء " واحد من كلابه" لغاية البوابة و ما شفش وشك هنا تاني

و نفذت كلامه بكل حب و ود لكنه ابى ان يعطيني البطاقة و قاللي يبقى خذها من القسم يا توتو

و خرجت بدون بطاقتي و انا احمد الله على سلامتي و وقفت بالخارج اهتف ضد النظام و ضد ابن ام احمد راتب

و الى اللقاء مع مغامرة اخرى

شاهين يزور انتخابات الجزء التالت

رأيت طوق النجاة على بعد و لمحت في عيني فكرة من طراز عبقرينو ... رأيت موظفين الحكزمة يحملون صناديق الأنتخاب على اكتافهم و رأيت احدهم لا يستطيع ان يوازن نفسه فسعيت نحوه و قمت بمساعدته في حمله و طلبت منه ان ادخل معه داخل الخيمة .. تردد في البداية لكنه وافق و دخلت الخيمة و كلما اوقفنا اح من اياهم قال الموظف انه تبعي و دخلت بدون ورقة و لا كارنيه و رأيت حولي عدد لا نهائي من الصناديق يعكف عليها اناس للفرز و في نهاية الخيمة شوية ناس لابسين بدل ليعلنوا النتيجة النهائية و طلب من الرجل السرعة في انجاز الفرز و رأيت عدد كبير من البطاقات التي تم تسويده و بدأت في العد الأصولا التس تذهب الى مرشخ الأخواني و الأصوات التي تذهب الى المرشح الوطني و بدأت في العد حتى ضحك عليا الموظف و سخر مني و دار بيننا هذا الحوار :

انت يبنب يتعمل ايه ؟؟

مافيش بفرز الورق زي انت ما قلتلي

ها ها ها ورق ايه يبني اللي هتفرزه .. البطاقات دي كلها انا اللي عاملها و كاتبها يايدي و مظبط نتايجها و كتبت كمان العدد خلاص لكل مرشخ


ازاي يا فندم .. يعني دي مش اصوات ناس ؟؟؟


لأ يبتي اتا اللي عاملهم و في حد اصلا جالنا انهارده ؟؟؟


بس ده يبقى تزوير يا فندم


و بعدين بقولك ايه تفتح بقك تاني هاوريك سواد ليلك اعمل اللي بقولك عليه و انت ساكت



خلاص المطلوب مني ايه ؟؟؟


المطلوب منك يا حبيبي الأتي .. انا كتبت مائة صوت لمرشح الأخوان و 900 للوطني و مضيت عليهم عايز منك بقى بس تحط دول على جنب و تتأكد انهم فعلا زي ما المكتوب

بس يا فندم مش انت اللي عاملهم بايدك و مسود كل البطاقات


ايوه يبني بس ممكن يكون في غلط بشري لازم نتأكد و اشتغل بقى و بلاش لماضه


و جلست افرز الأصوات و اضحك على حال البلاد و شر البلية ما يضحك و انتهيت من الفرز و كانت في ورقة معمولة غلط

فقلت للموظف

قال ينهار ابيض طيب نعمل ايه نعمل ايه

فقلت بكل بساطة الواقتي معانا 99 صوت للاخوان و 901 للوطني احنا نبوز صوت للوطني و كده هيبقوا 900

طيب و 99هنعمل فيها ايه ؟؟؟

قلتله احنا نجيب ورقة من بتوع الوطني عليها علامة صغيرة و نعمل عليها علامة كبيرة على مرشح الأخوان بحيث مش هيبان انه صوت باطل

شكرني الرجل على افكاري الغبقرية في عالم التزوير و لعنته و لعنت نفسي انا اضطررت في هذا الموقف لكني صممت ان افضحه و افضح الدنيا كلها و انشر كل كلامي للصحافة الحرة و رفعت محمولي لأقوم بالتصوير حتى ادعم اعترافاتي بصور فوتوغرافية و



فجأة



.....................


في الحلقة القادمة

شوكت يزور انتخابات !!!!!

اتجمعنا كلنا في المصطبة و الجو يشاور عقله ما بين الحرارة و البرودة كل واحد فينا مش عارف يتكلم في ايه الحكايات كتيرة و المواضيع ما بتخلصش كل يوم ناس بتروح و تدفن ما عاد الوطن بيتحملهم تجدهم مرة يدفنوا في عبارة او قطار او وس الموج و ممكن في احشاء اسماك القرش و ممكن تحت الصخور .. اه يا وطن مجروح او محروق ليه ما عدت بتستحملنا احنا عملنا ايه و اذبنا في ايه.. قام الواد حسين قال واد يا شوكت قوم قوم سبك من الأحزان الواقتي و فرفش علينا لسة الأمل طويل و الأحلام بعيدة و احنا ففي اول الطريق فقلتله يعني بس اعمل ايه .. قام نادر قال سيبك انت يا شوكي احكيلنا عن مغامراتك .. فضحك الجميع و وافقوا على الفكرة و قالوا بالأجماع احنا موافقين " و نادرا ما نتفق على شئ ... هاها " فكرت احكي ايه احكي ايه:

في كده من كام شهر مش فاكر من امتى بس تقريبا اكتر من سنة الحكومة الرشيدة الجليلة و الحزن الوثني الاديمقراطي أعلنا بوجود انتخابات لمجلس الشورى الشهيد " نظرا لأن من مات محروق فهو شهيد" و انا ساعتها كنت قاعد في بلدتي الصغيرة المنصورة بلد الثورة و المقاومة ... المهم علشان انا عايش الدور قررت المشاركة في احداث الأنتخابات و تعاونت مع مرشح المعارضة الأخواني في لجنة الدعاية و الأعلان و كانت لي مهمات اخرى .

و في يوم الأنتخاب ذهب الأهالي بعيدا عن صناديق الأنتخاب و كنت انا بسلامتي في احدى غرف العمليات اتلقى ي تجاوزات من الناس و ارسلها في مواقع الأنترنت .

حتى انتهيت من اداء واجبي و قررت ان اذهب مع بعض الأفراد الى الأستاد للوقوف خارج الصناديق و متابعة سير العملية الأنتخابية و كنت اود ان اشارك في الأقتراع لكن هناك مشكلة حيث انني ليس من منظمات الحقوقية و لا منظمات المجتمع المدني و لا يحزنون .....
طيب اعمل ايه مش لازم ادخل لكن النفس الأمارة بالسوء الحت عليا او اصرت اني لازم ادخل الى خيمة الفرز و بينما انا حائر في مكاني هذا رأيت منظرا مدهشا كان لي طوق النجاة لدخول الى حجرة الفرز

و
نستكمل غدا باقي الحدوتة و نعرف

ايه كان طوق النجاة

و تابعووونا

و بدأنا المصطبة

و انسوا انكم في مدونة .. انتم هنا في عالم شوكت.. و هنا هيكون ليا حواديت مع اصحابي .. معايا وجدي الليبرالي و نادر القومي و جمال اليساري و حسين المستقل .. و كلنا بنحب مصر و بنحب بعض و بنحب نحكي مع بعض .. علشان كده قررت ان نتجمع في مكان نحكي فيه مع بعضنا..فكرت اعمل في بيتي صالون دوري نتكلم فيه مع بعض ..لكن الصالون ده هيبعد عننا طائفة الشباب خصوصا ان بيغلب عليها جو من الملل و السأم .. فكرت نعملها على قهوة .... يا ساتر انا بكره جو القهاوي دي .. اعو1 بالله حتى حانت لي فكرة جهنمية .. مافي احلى من المصطبة و مالها المصطبة احب المصطبة و اموت في المصطبة .. و علشان الموضوع يتظبط وضعت انا قواعد صارمة لهذه المصطبة :
اولا مافيش دخان و لا سجاير و لا شيشة و اللي عايز يدخن " الله يسامحه " يروح يدخن و ييجي .
ثانيا مافيش كلام بذئ و لا قبيح و لا تطاول على اشخاص او افراد . ثالثا مواعيد الصلاة يجب احترامها في وقتها . مواضيع المصطبة حكايات و ذكريات لشوكت 2 اراء و وجهات لنظر يعرضها شوكت
3 مواقف يومية تحدث لشوكت
4 تعليق على بعض الأحداث االجارية
و استنوا مني كل مرة موضوع شكل و محتاج منكم اراء و تعليقات و اقتراحات .. وياريت اسمع وجهات النظر الأخرى

دردشة سريعة

يا مصطبتنا يا حبيبة..يا غالية علينا يا مروقانة..نلف و نلف ما نلاقي سواكي انتي مظلتنا و نافذة افكارنا..بدردش عليكي ونبوح بأفكارنا..لا منع و لا كمكمة..اللي نفسنا في بنقوله ..في حدود الألتزام ...

وجدي : حد شاف الخيبة و المصيبة اللي حصلت في تأبين الراحل مصطفى شكري ؟؟؟

خليل : ايه يبني اللي حصل ؟؟!!!!

وجدي : السيد المبجل المحترم محمد حبيب بيقول ان الشعب هو السبب اللي احنا فيه

حسين : بس يا وجدي انت ممكن فهمت كلامه غلط نادر :بس الكلمة اللي وراه ..ردت عليه و انا صقفت شوكت : ايه يا جماعة عيب الكلام كده و مش اي كلمة لا تعجبنا يكون رد فعلنا كده .. كمان انا حضرت الندوة و الكلام كان غير كده..انتم ما فهمتوش الكلام صح !!!!!!

حسين : طيب يا عم شوكت ابن كاظم بيه فهمنا وجهة النظر المختلف عليها

شوكت : الموضوع ببساطة يا جماعة ان ان نائب المرشد لخص التغيير في اربع وصفات اولا ان التغيير مش هييجي الا عن طريق الشعب و هو المحرك و الوقود لأي تغيير و من دون الشعب لا نعترف بأي تغيير و نعتبره وهمي أي يجب ان نوعي الشعب سياسيا و ان نعلمه الأيجايبة و محاربة فيه السلبية و اللامبالاة و كسر حاجز الخوف عنده و اليأس المقيت

النقطة التانية ان يجب ان الشعب هلازم يدفع جزء من وقته و حياته و معيشته و قوته في سبيل الحرية و التغيير فهما ينتزعان و لا يوهبان و ما تنسوش ان اثناء الأنتخابات سمعنا بعض الأحكام المضللة زي " اللي نعرفه أحسن من اللي ما نعرفوش " " و اللي موجود الأن شبعان ( هو قصدهم على مين يا ترى ؟ ) و الجديد هيكون لسة جعان " و غيرها من الأوصاف و التعليلات الغريبة التى ما اتى الله بها من سلطان .

النقطة الثالثة يجب ان يكون هناك ائتلاف او تحالف لجميع القوى الوطنية للأصلاح السياسي و التغيير لأن لا يوجد فصيل وحده القدرة على التغيير . النقطة الرابعة ان يجب ان يكون لهذا الأئتلاف كاريزما و قيادة و ان يثق الشعب فيه و أن يكون عنده مشاريع و برامج و خطط عمل للاصلاح و ايجاد البديل ده يا جماعة مجرد تلخيص في رؤية اهداف الأخوان المسلمين في التغير و ياريت من باقي الحضور و التعليقات في عرض وجهات النظر

انا مييين


انا شوكت كاظم السلحدار ..انتمي لأسرة استقراطية عريقة حيث كان جدي جنايني كبير لدى الباب العالي في أسطنبول ..وكانت جدتي وصيفة الكونتيسة شاكلاهان و بعد كده تدهورت أحوال العائلة و بقت في الصفيح الا اننا مازلنا نحتفظ بأمجادنا الأستقاطية و نتغنى بتاريخنا العريق ...الله يخرب بيت الثورة و سنينها .. وانا بحب السياسة و بموت في السياسة و معجون انا سياسة ..

انا سامع واحد بيهمس و بيقول انت بقى يا شوكت ايه الفكر بتاعك يساري و لا ليبرالي و انا هارد عليه انا لقيت ان اليسار بينحازوا لفقاء ضد الأغنياء و لقيت الليبراليين بيساندوا الأغنياء على حساب الفقراء علشان كده ما لقتش غير الحل الأسلامي في السياسة و الأقتصاد و نظم الحكم يجمع بين الأثنين ..هلاقي برضه واحد بيغمس بعينه و يقوللي انت بقى يا عم اخوان مسلمين ..ااه انا اتشرف بأني جندي صغير في التنظيم و انا يا سيدي محافظ و في نفس الوقت اصلاحي و بحب مدرسة التلمساني و برضه مدرسة مصطفى مشهور ... ابتغي العدل و الحرية و الديمقراطية لبلادي و ابتغي لنفسي رضا المولى و الشوق لرؤياه