الخميس، 13 نوفمبر 2008

الكرامة للمواطن المصري

لما تستنشق هواء نقي و هواء فريش و هواء من غير ريحة .... يبقى انت اكيد في مصطبة شوكت .

لما تشرب الشاي قرب المغربية و تشوف اروع منظر للغروب ... و لسانك يلهج بورد الرابطة ..... يبقى انت أكيد في مصطبة شوكت .

لما تحب تفرفش و تسمع كلمة حلوى و تعبر عن اللي جواك ... يبقى انت اكيد في مصطبة شوكت .

انهارده رحت انا و اصحابي " وجدي و نادر و حسين " نقابة الصحفيين علشان نتضامن مع الطبيبين المصريين الدكتور رؤوف و الدكتور شوقي اللذان حكم عليهما ظلما و عدوانا الجلد "1500 جلدة " و بالحبس 15 عاما و اخر 20 عاما .... و ذهبنا الى هناك على الساعة الخامسة مساء حيث هماك وقفة على سلالم النقابة مع اسر الطبيبين لنعلن رفضنا الكامل عن ما تعرضوا له من ظلم .

و وقفنا على سلالم النقابة نهتف ضد الظلم و العدوان " طلعت ساعتها في العاشرة مساء...ههههههه" ثم صعدنا الى الدور الرابع حيث الندوة و .....

شوكت : ايه رايكم في الموضوع يا جماعة؟

وجدي : طبعا ظلم و افتراء ... احنا ما شفناش في تاريخ الأسلامي كله حد يطبق هذا العددمن الجلد المعروف انه 100 جلدة فقط .

نادر : ده غير ان الجلد في حالات قذف المحصنات و الزنا لغير المحصن و شرب الخمر فقط .

حسين : و الغريبة انه طبق عليه حكم الجلد و السجن في ان واحد ...ايه الغباء ده ..معروف انه يا اما السجن يا اما الجلد على الأقل

شوكت : و المضحك المبكي .. انه في الحكم الأولاني كان 700 جلدة فقط .. و بعد الأستئناف وصل الى 1500 جلدة ... حد شاف يا عالم في الدنيا استئناف بيزود فيه احكام معروف في اي حته في الدنيا مشرقها و مغربها ان الأستئناف ياما يلغي العقوبة ياما يخففها او يثبته .. مش يزيد عليه

وجدي : و الغريبة ان المتهمين ما وقفوا امام قاضي الا 5 دقايق و لم يسمحوا لهم ان يدافعوا عن نفسهم و لا مرافعات و لا نيلة..ده غير انهم قبل المحاكمة اتعذبوا تعذيب وحشي .

نادر : ايه يا عم ده فين الحكومة المصرية فين السفارة فينوزارة الخارجية ايه يا عالم ده.. هو دم المصري رخص كده

حسين : و السعودية اللي عاملة فيها دولة اسلامية .. و هي اكدولة بتشوه السلام وهو منها براء...

وجدي: والغريبة ان اقصى حاجه عاملها قنصل السعودية انه اخد ميعاد معاهميوم 28 نوفمبر..تمخض الجمل فولد فأرا

شوكت : كمان اصلا الشهود اللي شهدوا سحبوا اعترافاتهم .... و الثابت ان الأميرة المزعومة اللي محدش يعرفلها اسم ولا شكل كانت ادمنت المورفين قبل اشراف الأطباء المصريين عليها .. يعني العملة كلها عك في عك و فيها روح الأنتقام الغير مبرر

نادر : واصلا نقابة الأطباء و اتحاد أطباء العرب ثبتوا أن الخطأ المهني ليس من الطباء المصريين .. وحتى لو فيه خطأ بشري فله عقاب او الية لعقاب معينة

شوكت : يا جماعة احنا مش لازم نسكت على اظلم ده .. والناس في الندوة انهارده اتكلموا عن اجراءات عملية تجاه هذا الموضوع و احنا لازم نكون معاهم في اي خطوء يعملوها .. و فيه جروب على الفيس بوك يتضامن مع الطبيبين و هذا الجروب ارسل تقريرا باللغة الأنجليزية الى كل من منظمة العفو الدولية و منظمة هيومن رايتس .. كما يستلزم ان نناشد اللجنة اعربية لحقوق الأنسان و الجمعية العربية لحقوق الأنسان لمتابعة هذه الانتهاكات الخطيرة في حق الطبيبين.. و لازم نتضامن مع اهالي الطبيبين و نقدم لهم الدعم النفسي و المعنوي

و نساند و نؤيد الوفد الذاهب الى وزارة الخارجية و السفارة السعودية لعمل حالة من الضغط الشعبي على حكومتنا " الحلوة "

و ده لينك الجروب :http://www.facebook.com/group.php?gid=46483276211

6 قالوا رايهم:

احمد عبد السلام يقول...

ايوة الدم المصرى رخيص

والانسان المصرى رخيص

ورخيص بلادة مالوش قيمة فى بلاد الناس
عندك اعتراض يا مصرى

ميرا ( وومن ) يقول...

انت بتسأل علي مين وبتدور علي مين ده حكم محكمة سعودي وسياده دولة و.....و....و
هو المصري سعره وصل كان دلوقتي

حسن حنفى يقول...

حسبي الله ونعم الوكيل

walaa rizk يقول...

حلو جدا التوبيك

ومدونه رائعه

ان شاء الله نتواصل

مشروع دكتور يقول...

السؤال اللى جى بقى والى سالته لنفسى
اولا دى اهانه جامده ماشى وبعدين
ليه ساطتين الاكادمين ف الجامعات
وليه ساكت دكاترنا هنا
وليه
سؤال تانى دار ف 1هنى
السنه دى بالذات
خالو فضل يلح عليا خلصى يالا وسافرى السعوديه
باخدهم ع اد عقلهم اه اكيد
وجويا بقول لالالالالالالالالا مش هاسيب البلد دى ياترى ياهل ترى
هل اى خريج تانى واى واحد تانى متخرج هيفكر يسافر السعدويه تانى
ويشتغل
ولا يستحمل البهدله ف بلده
ويقعد فيها
ولا ايه بس
دى عيشه بقت صعبه جدا
واللى اتكرر ف السعدويه ممكن يتكررف اى حته
لان العيب شم ف البلد اد ما العيب ف سفارتنا اللى مش ليها ااترام اساسا
وفين بقى سى ابو الغيط افندى
ليه عين يتكلم ولا يطلع مش ده برضه الشملول وزير الخارجيه
عمل لينا ايه بقى
فالح بس يطول لسانه كده ع الفلسطنين الغلابه ياعنى لما دخلوا معبر رفح
ويقول بكل عنجهيه هقطع رجل اى حد
طيب اتشملل وهات حقنا
ياملعى رايه الحريه
اها صح نسيت
ده اللى معلى الرايه مش انت
واحد تانى
بس ياترى هى رايه الحريه بجد
ولا رايه الذل والعااااااااااار والمهانه

ريمان يقول...

السلام عليكم

مش عارفه يا شوكت والله اقولك ايه

حسبى الله ونعم الوكيل

دى تكفى والله

بس حلوه المصطبه بتاعتك لذيذه اوى