السبت، 15 نوفمبر، 2008

يا اهلي و احبتي




اداء فريضة الفجر في يوم اجازة له طعم تاني ... بحيث يكون عندك الفرصة براحتك تقعد لغاية الشروق و صلاة الضحى , و بعدين تطلع تعمل شوية جري خفيف بجوار نادي الصيد بحيث الدنيا تكون واسعة و الهواء العليل " هو عليل فعلا " و قطرات الندى تنساب على خدودك... و يا سلام بقى لما تختم فقراتك بأحلى فقرة و هي انك تقعد شوية معانا في المصطبة ... مصطبة شوكت.................



نادر : انا حزين و قلبي بيتقطع

وجدي : ليه يا نادر هي ناقصة كابة .

حسين : استنى يا وجدي لما نسمع نادر زعلان ليه..انكلم يا وجدي مالك ؟؟!!!

نادر : انتم مش شايفين اللي بيحصل في غزة من حصار و معاناة
.

وجدي : ايوه صحيح و الأزمة زادت و اليومين دول الح
صار احكم قوي .

نادر : انت سمعت ان يريمي هوبز المدير التنفيذي لجمعية الإغاثة أوكسفام ومقرها بريطانيا قال " إن غزة قد تواجه كارثة ما لم ترفع إسرائيل الحصار عنها فورا ".




حسين :
ده غير ان منظمة العفو الدولية بدورها إسرائيل إلى السماح بإدخال الإمدادات الضرورية للقطاع ووضع حد لما سمته "العقاب الجماعي" لسكان القطاع. وتعتبر المنظمة أن تشديد إسرائيل في الآونة الأخيرة لإجراءات الحصار على قطاع غزة زاد من تفاقم الأوضاع الإنسانية في المنطقة.

وجدي : ايه يا سي شوكت ما تقول حاجه .

شوكت : اقول ايه بس .. مانت شايف ان الصمت العربي الرهيب عامل ازاي و ان الحصار اصلا السبب فيه الدول العربية .. حتى الأنفاق اللي مصر الفلسطنيون بيعملوها .... المخابرات المصرية بدمرها على الناس اللي فيها ... و الشعوب العربية نوم في العسل .

نادر : هما يعني هيعملوا ايه يعني ؟؟؟؟

شوكت : انت ماشفتش الأوربيين عملوا خط ملاحي بين قبرص و غزة علشان يخففوا الحصار عن الفلسطنيين ... 3 سفن لغاية الواقتي
و محلك سر و محدش بيعبر

وجدي : كشفوا صمتنا و عجزنا و خيبتنا القوية

نادر : و ما تنسوش يا جماعة القوافل المصرية اللي راحت علشان حصار غزة ... بس منهم لله الحكومة المصرية حاصرتهم في القاهرة

شوكت : انا سمعت ان البرلمان الأسلامي " مقره اندونيسيا " و حزب العمل الأسلامي بالأردن هيعملوا سفينة اسلامية على غرار السفن الأوربية لفك الحصار .


حسين : انا فعلا اللي فارسني صمت الحكومات العربية .. مين هيشيل ذنب شهداء الحصار غيرهم .



شوكت : انا شايف اللي بيحصل ده حلقة من حلقات الصراع بين الحق و الباطل .. كحصار شعب ابي طالب من الكفار قريش و قعدوا يخاصروهم 3 سنين .. فما وهن المسلمون و ما استضعفوا .. فنسأل الله لهم الثبات .. بس ده لا يرفع عننا مسئولون و لو بشكل جزئي امام الرحمن .

يا جماعة اهل غزة الواقتي ... محتاجين دعم مادي و معنوي .. لازم على الأقل الدعم المعنوي نوفرهلهم ...
ولازم شعارنا يكون ... هنحاصر الحصار

لازم ننشر قضيتهم في كل مكان

نتواصل معهام عن طريق التليفون و النت

لازم نشد من ازرهم

لازم نقول احنا معاكي يا غزة

10 قالوا رايهم:

نهر الحب يقول...

احنا معاكى يا غزة
وهل تحتاج غزة الى مجرد اصوات
تعلوا ؟ ام انها تحتاج الى عمل جاد ودؤب ومحترم وصادق جدا لفك الحصار
عمل جماعى عربى يعلم العالم وبقوة
ان هناك عرب يملكون رده فعل اخرى غير البكاء والعويل ؟؟
وكأنهم لا يملكون غيره
وكأن العرب كلها تحولوا لنساء وعجائز لا حيلة لهم سوا الدعاء والبكاء

la core de la mur يقول...

عندك حق ياشوكت والامر خبر عرفته قريب
انهم بيمشوا سكان القدس ويجيبوا مستطوين يهود
مش فاكره ف حى ايه كده
مش عارفه حكمانا الشماليل دى عايزين ايه تانى
فين رجاله الامن حماه الحمى يرحوا بجيش من بتاعهم ده اللى كان محاصر الازهر بارك عشان شباب سته ابريل راح يحتفل بيوم ف حب مصر
احنا بنلعن اليهود اه
لكن قبلها لازم نبص ع نفسنا ف المرايه ونضرب نفسنا
اليهود واضحين من الاول وصرحا
انما احنا كذبنا ع نفسنا لما قدصنا كذبه كبيره جدا
وقولنا احنا مسلمين ومش عارف ايه
طيب فين الاثبات
هو مش القدس فيها الاقصى واللى فيه صلى رسولنا الكريم بكل الانبياء ولا ايه
هو الاقصى والقدس مش مسؤليه الكل
الاطفال ف غزه اللى بيموتوا لو قولت الكبار واصحاب الحالات الانسانيه هيستحملوا
ازاى اى حد عنده ذره رجوله واحده طايق يقعد ع كرسيه والاطفال بتموت والبنات بتتشرد والعواجيز لا حول ليهم ولا قوه والشباب بيعتقل
حسبى الله ونعم الوكيل فيكم ياحكامنا
شوكت عارفه انى اخلاقك عاليه وانت مش تدعى ع حجد تقدر تستحمل انت
لكن انا اكتر من كده اطق مش اقدر
لازم غيظى وغضبى اطلعه عليهم ولسه ف بركان تانى جوياا بس هيطلع ف كلاب الصهايينه باذن الله

kareem يقول...

للاسف شئ مستفز جدا لما تدخل تسيب لينك المدونه بتاعتك عند كل واحد انت اصلا مش بتعلق انت بتعمل دعايه للمدونه بتاعتك مع ان لو علقت اي حد عايز يزورك سهل اوي مش محتاجه تقول شرفوني و مستنيكوا و دي مدونتي و الكلام الفاضي ده

GiGi يقول...

على فكره انا نسيت ان في بلد اسمها فلسطين
احنا بجد مابقاش عندنا دم خالص خالص خالص ومابقيناش بنفكر
ربنا يسامحنا على مشاعرنا دي

محمد الجرايحى يقول...

للأسف ياغزة المعتصم مات ......

مشتاقه للجنه يقول...

حسبنا الله ونعم الوكيل

حقا ماهى اصوات وفقط
على الاقل نسينا الدعاء نسينا المقاطعه

نسينا فلسطين اساسا.

سا محنا يارب

كن معهم ولا تكن عليهم

جزاكم الله كل خير

خالد فوده يقول...

أحنا معاكي ياغزه
يااااااااارب اخرجهم من الازمه اللي هما فيهاناشم
يارب اطعم جائعهم .. واشفي مرضاهم
.. وارحم موتاهم .. واكسو عاريهم
ياااااااااارب


ضعيف وسلاحي الدعاء

بذرة امل يقول...

تقريبا دى اول مرة ازور فيها مدونتك بس بجد جميلة جدا وتصميمها يشد

ثانيا :
عايزة اقولك انك فكرتنا بالوجع اللى ساعات مشغولات الحياه بتفغلنا عنه
وده بيخلى النصر يتأخر
ربنا يسامحنا ويغفر لنا
ويثبتهم ويفك كربهم

حسن مدني يقول...

أخي ليت الأمر اقتصر على صمت الحكومات العربية، بل لقد تعدى إلى مشاركة فاعلة من الحكومات العربية كل بقدر جهده،
فمن داع إلى إسقاط حماس، إلى داع إلى مقاطعة الحكومة المقالة، إلى ساع في تدمير الأنفاق وقتل من فيها، إلى كثير

ولله الأمر من قبل ومن بعد

تحياتي

رابطة مدوني الدلتا يقول...

احنا معاكي ياغزة بالدعاء بالمقاطعة بنشر القضية
_______________________________
اذا كنت مدون او مدونة من احدي محافظات الدلتا رابطة مدوني الدلتا تدعوكم لحضور اجتماعها الشهري يوم السبت القادم لمزيد من التفاصيل عن برنامج الاجتماع برجاء الدخول علي رابط الرابطة