بدايه بس احب اطرح سؤال صغنن قد يطرا على ذهن اى حد
ما احنا مشاكلنا مكفينا
وعندنا ازمات كتير
هو احنا ناقصين
بس نحل مشاكلنا الاول
واخر يقولك:اسكت والنبى وخليك فى حالك انا سمعت انه خطر على الامن القومى
اششششششششش
واخر يقولك:بطل رغى كتير انا واقعى
تقدر تقولى وانا اقدر اعمل ايه ما انا عارف كلامك القديم ارض مقدسه اولى القبلتين ثالث الحرمين.هاه وبعدين وانا بايدى ايه ما انت شايف الحال هقوم انا اعمل فيها بريمو واقول فلسطين فلسطين
واخر تلاقيه جاى جرى على ملا وشه : بالروح بالدم نفديك يا فلسطين
براحه ياعم هدى
لاء بالروح بالدم نفديك يافلسطين فلسطين عربيه
ياعم طيب نتفاهم اهدى شويه.
دى كلها صور للى الرد عليك لو سالت حد ليه فلسطين وليه القضيه
وقد تسمع الاجابه المعتاده بحماس
دى قضيه اسلاميه وكل الاجوبه اللى احنا عارفنها
ولكن هتلاقى كلام حلو انما فعل مفيييييييييييييييش.
فى الدقايق الصغيره اللى جايه هقولك ليه لازم تهتم بالقضيه
1.بعيدا عن الكلام اللى انت عاارفه انها ارض اسلاميه وعليها المسجد الاقصى اولى القبلتين ثالث الحرمين
فلسطين والمسجد الاقصى بصفه خاصه وقف اسلامى,وارض مغنومه
بمعنى مش ينفع خالص تقول ده شان فلسطينى وده بيحصل فى فلسطين وانا مليش دعوه
للاسف ده غلط .
لان فى الاسلام ومن احكامه انه اى ارض مغنومه دخلها للاسلام فهى وقف ليه وملك يجب ان تعود له لو احتلها عدو
والجهاد واجب على كل الموجودين فى حدود البلد فان لم يستطعيوا صد العدوان فعلى اللى حواليهم وهكذا تتسع الدائره ولو شملت كل المسلمين.
...............................
2.لو حد بيقولك خطر على الامن القومى تدخلنا فى شئون داخليه واللى اتفقنا من النقطه اللى فوق انه مش فى حاجه اسمها شان داخلى دولى لانها قضيه اسلاميه
فاحب اوضح لاى حد يقولك انه خطر على الامن القومى: انه واضح انه معلوماته مش كامله وعلى ساسه بيرغى كتير
لانه القارئ جيدا للتاريخ وقارئ لافعال اليهود وتاريخهم ومعاهدتهم
اسرائيل معروف حلمها الاساسى من النيل الى الفرات وماشيه لعى الاجنده دى
الاول فلسطين تخلص عليها وتخلص من اى مقاومه فيها
تشتغل على الدول اللى حواليها لحد ما توصل للحلم الاستعمارى الاعظم وهو اسرائيل الكبرى .
فلو فاكر ان اسرائيل هتبقى طيبه معاك وتاخد فلسطين وتسكت يبقى اسمحلى سيادتك من التخلف بما كان ومن السذاجه عشان تتوقع كده
يعنى اسرائيل جايلك جايلك ولو خايف على الامن القومى فهو متدمر متدمر لو سكتنا عن وجود العدو فى ظهرنا واحنا بنقوله اميييييييييين
.................................
3.الاستيطان
اسرائيل احتلالها مش نوع من سرقه خير البلد زى المغول واجرى
لاء ده استطيان عارفين يعنى ايه
الاستطيان هو اللى وقع الاندلس:وخلها اسبانيا الان والبرتغال
الاستطيان:هو اللى طرد الهنود الاحمر عشان تبقى قاره اميريكا الان.
الاستطيان حيث طرد السطان الاصليين من الاراضى واحتلالها من قبل الاخرين
وقتل السكان والتخلص منهم
ودى سياسه اسرائيل الحاليه فالاستطيان على قدم وساق.
...................................
4.تشويه القضيه
كل يوم بيتم تشويهه القضيه عن طريق المديا الاعلاميه اللى بيمتلكها
اليهود فمحطات اخباريه مثل السى ان ان
ووكالات انباء روريتز والاسوشيتدبرس
هى اما ملك لليهود خالصه او يشاركوا فيها
وجرائد مشهوره مثل واشنطن بوست وغيرها
كلها تؤثر على الراى العام بل وتصنعه احيانا
..........................................
5.عقيده ضد عقيده
القضيه مش مجرد حد دخل احتل ارض وخلاص
دى حرب عقائديه
ما بين يهود بيدعوا طبقا لتوارتهم ان دى ارضهم ولازم يرجعوا ليها
وما بين عقيده الاسلام وعقديتنا بانها ارض مقدسه ومش ملك لحد ووجب للكل ان يدافع عنها عندما يتم تدنيسها
بمعنى ادق مش ينفع تكون مسلم مؤمن موحد وتقول المسجد الاقصى ليه رب يحميه
مش ينفع تبقى مسلم موحد وتقول دى مش قضيتنا
مش ينفع تكون مسلم وتقول وانا مالى
ياشيخ من لم يتهم بامر المسلمين فليس منهم
الصراع صراع عقيده
ولو كنت غيور صح يبقى لازم تغار على دينك ومقدساتك
من التشويه ليل نهار فيه بكل الطرق.
....................................
وفى النهايه مش مطلوب بعد ما تعرف كل ده
غير انك تفكر؟
تعرف ايه عن القضيه؟ قدمت ايه للقضيه؟عارف ايه قيمه القضيه
عارف ايه تاريخ الصراع العقائدى ده من الاول
تعرف ماذا يدعى اليهود وكيف ترد على الادعاءات دى لحسن تصدقها؟
لو مش تعرفه يبقى اقف مع نفسك واسال نفسك
بتغر على عقديتك ودينك ومقداستك ولا انت شخص بوء وكلام بس
ومش تقدر تعمل حاجه
لازم تهتم للقضيه وتعرف عنها وتحيها وسط الناس اللى حواليك وتوصل المعلومات وتقرا وتنشط وتفهم المعلوب والضربات بتاتعهم ازاى يمكن يكون على ايدك النهضه والاقصى ليه لاء؟
وده مش هيحصل الا لو فهمت اصل الصراع وفهمت القضيه وقرات عنها وفهمتها لانه لا بالسكوت هيجى النصر
ولا بالصوت العالى هيجى النصر
وصلى الله وسلم وبارك على سيدنا محمد وعلى اله وصحبه وسلم
سلام عليكم واستودعكم الله
مصادر : لفهم القضيه وملفات مهمه تجدها على الريسينت نيوز على جروب الفيس بوك
http://www.facebook.com/group.php?gid=45759123030
